काठमाडौं - तामाङ समुदाय आज हर्षोल्लासका साथ सोनाम ल्होछार मनाउँदैछन्। हरेक वर्ष माघ शुक्ल प्रतिपदाका दिन मनाइने यो पर्व १२ वर्षचक्रसँग सम्बन्धित छ, जसमा मुसा, गाई, बाघदेखि सुँगुरसम्मका नामबाट वर्ष निर्धारण गरिन्छ।

भूमि पूजा, कूल पूजा, ढोगभेट, नाचगान र विशेष परिकारका साथ मनाइने ल्होसार बागमती प्रदेशका तामाङ समुदायका साथै ह्योल्मो, थकाली, जिरेल, भोटे, दुरा आदिले आ–आफ्नै परम्पराअनुसार मनाउने चलन छ।

राजधानीको टुँडिखेल, बौद्ध, स्वयम्भू लगायतका स्थानमा विशेष कार्यक्रम हुँदैछन्। यस अवसरमा सरकारले देशभर सार्वजनिक बिदा दिएको छ।