काठमाडौं - नेपाल आदिवासी जनजाति पत्रकार महासंघ (फोनिज)को सिन्धुपाल्चोक शाखा अध्यक्षमा कमला पाख्रिन  सर्वसम्मत निर्वाचित भएका छिन् । आज (बिहीबार) भएको चौथो अधिवेशनले  पाख्रिनलाई अध्यक्षमा निर्वाचित गरेको हो । 

पाख्रिन  नेपाल पत्रकार महासंघ सिन्धुपाल्चोककी उपाध्यक्ष पनि हुन् । लामो समय देखि कान्तिपुर टेलिभिजन आबद्ध भएर पत्रकारिता क्षेत्रमा सक्रिय छिन्।

त्यसैगरी उपाध्यक्षमा दिपेन्द्र घले, सचिवमा आईसिं तामाङ, सह–सचिवमा रविन दनुवार र कोषाध्यक्षमा कल्पना श्रेष्ठ हुँदा सदस्यहरूमा सरोज लामा, विपना तामाङ गोले, बरदान गुरुङ र प्रेम लामा चयन भएका छन्।

संघीय प्रतिनिधिमा भने  सुरेश कसाजु, जीवन श्रेष्ठ, अश्मी स्याङतान र फूलमान तामाङ चयन भएका छन् । त्यस्तै, प्रदेश प्रतिनिधिहरूमा मानकाजी तामाङ, प्रितम गोले तामाङ, निर्मल माझी, सुनिता रखाल र कविता श्रेष्ठ चयन भएका हुन् ।