काठमाडौं - चितवन राष्ट्रिय निकुञ्जमा ३५२ घडियाल गोही भेटिएका छन् । १४ दिन लगाएर गरिएको घडियाल गणनामा राप्ती र नारायणी नदीमा ३५२ वटा गोही भेटिएको निकुञ्जका सूचना अधिकारी अविनाश थापामगरले जानकारी दिए ।

गणनामा राप्ती नदीमा २०६ र नारायणी नदीमा १४६ वटा गोही भेटिएका हुन् ।

निकुञ्ज कार्यालयले पुसको १२ देखि २५ गतेसम्म लगाएर दुई वटा नदीमा गणना गरेको थियो । गत वर्ष गरिएको गणनामा राप्तीमा १५२ र नारायणीमा ११३ वटा गोहो भेटिएका थिए।

घडियाल विगतमा पाकिस्तान, बङ्गलादेश, भुटान, म्यान्मारलगायत देशमा पाइने भए पनि अहिले नेपाल र भारतमा मात्रै पाइने निकुञ्जका सूचना अधिकारी थापामगरले जानकारी दिए ।

यो पनि पढ्नुहोस

राप्तीमा घडियाल गोहीको गणना सुरु